Boklansering og kunstnersamtale Lars Korff Lofthus
23. aug. kl.18

Velkommen til boklansering og kunstnersamtale i utstillingen Jeg bæres frem til törstig Mand hvor Lars Korff Lofthus snakker om eget arbeid sammen med kurator ved Nasjonalmuseet Geir Haraldseth.

Gratis inngang, mulighet for å kjøpe forfriskninger i baren.

Arrangementet er en del av Billedkunst LIVE, en serie events som arrangeres over hele landet. Billedkunst LIVE er støttet av Fritt Ord, Sparebankstiftelsen og Norsk Kulturråd.

Arrangementet er også i samarbeide med Skeive Sørlandsdager.

ATTRÅ er ei bok om kunstnarskapet til Lars Korff Lofthus, med fokus på maleri, skulptur og trykk frå dei siste fem åra. Boka, som er ein såkalla kunstnarmonografi, tilbyr ei intim fordjuping i ei bildeverd der vestlandsnatur, skeivt begjær og folkekunstuttrykk eksisterer side om side. I tillegg til tekstar skrivne av Merete Jonvik, Bjørn Hatterud og Lars Korff Lofthus sjølv, inneheld boka eit omfattande biletmateriale, med foto av Lofthus sin rikhaldige maleriproduksjon og bilete frå kunstnaren sitt studio og heimstaden hans i Hardanger. Boka tilbyr dessutan lesaren eit innsyn i prosessane bak arbeida, gjennom utklipp, bakgrunnsmateriale og skisser henta frå kunstnaren sitt arkiv. ATTRÅ er utgitt av Entrée, og utforma av designar Øystein Arbo. Bent René Synnevåg er fotograf, og Cecilie A. Størkson har vore redaktør for boka.

«Kunstnarskapet viser både fingeren til og klemmer tradisjonane. Humrar, kritiserer, kjæler og koser. Det løftar fram spørsmål som: Kva skil tradisjonar frå konvensjonar? Kva får plass i tradisjonane? Kor mykje kan dei bøyast og tøyast? Korff Lofthus brukar det tradisjonsrike og gir det nye fargar, design, kontekstar. Puttar noko nytt inn i noko eldre. Puttar seg sjølv inn i tradisjonen. For kunstnaren er òg ein karakter i sin eigen kunstnariske praksis, og slik er det kanskje for alle, men det er særskilt tydeleg hos Korff Lofthus gjennom måten han brukar den stadbundne praksisen til å finna ut korleis han kan vera den han er, der han er, saman med andre. Tematiserer identitet. Tematiserer begjær. Tematiserer det å høyra heime. Eller ikkje.

Identitet er knytt til kjensla av å kjenna seg heime – i sin eigen kropp, si eiga tid, på ein stad. Innanfor dette kan overskriding av grenser vera naudsynt, kjennast naudsynt – til og med livsnaudsynt. Alle må vi finna måtar å vera levande på som vi synst er passande. Finna ut korleis vi skal vera i verda. Ein del av dette handlar om å finna vårt eige språk. Vår eiga drakt vi kan gå i, som vi kjenner oss vel i. Det kan ta tid å finna denne, eller ikkje. Det kan vera problematisk, eller det kan gå føre seg utan nemneverdig bry for hjerne eller hjarte. Korff Lofthus sin praksis innbyr til å tenkja over at den siste vegen er den enklaste.»

- Merete Jonvik (utdrag frå essay)

Kar og kjenge VI (2024)
190 x 160 cm
Akryl og pigment på lerret

Foto Bent Rene Synnevåg